பி.எஸ்.என்.எல் அரசுத்துறையானாலும் மோசடி நிறுவனமே.


பல நிறுவனங்களும் தங்களின் விளம்பரங்களில் சொல்வது ஒன்றும் மாற்றாக மோசடி செய்வதும் நம் புண்ணிய பூமியில் ஒரு வாடிக்கை. அரசுத்துறையானாலும் இதில் விலக்கல்ல.

மேலே உள்ள படத்தில் சிவப்பு வண்ண கட்டமிட்டுள்ளதைக் கவனியுங்கள். 1 Gb / DAY என்றும் செல்லுபடிநாட்கள் 7 என்றும் உள்ளது. ஆனால் நான் ரீசார்ச் செய்து விட்டு இரண்டாம் நாள் பயன்படுத்தும் போது இணையத் தொடர்பு வேலை செய்யவில்லை. வாடிக்காளர்களின் தரிசனம் கிடைத்து கேட்டால் அத் தேவர்கள் சொல்கிறார்கள் “அது 7 நாட்களுக்கு 1 Gb (மொத்தமாக) மட்டுமே” என்று கூறுகிறார்கள். அப்படியானால் / இந்தக் குறிக்கு பொருள் என்ன என்று கேட்டால் “அதாவது 7 நாளுக்கு மட்டுமே” என்று திருப்பத் திருப்ப முட்டாள்தனமாக சொல்கிறார்கள்.

அடுத்துள்ள மற்ற பிளான்களையும் கவனியுங்கள். அதிலும் / DAY என்றே உள்ளது. ஆனால் அவற்றிற்கு தினமும் ஒரு நாளைக்கு என்று சொல்கிறார்கள்.

எவ்வாறேனும் மோசடி செய்து ஏழைமக்களை சுரண்டுவதில் பாரத புண்ணிய பூமியின் பெருமை மிக்க BSNL _லும் ஒன்று என்பதை மறக்காதீர்கள். எச்சரிக்கையாக நீங்கள் ரீசார்ச் செய்யும் கடைக்காரிடம் உறுதி செய்துகொண்டு ரீசார்ச் செய்யுங்கள். இப்படி மோசடியாக இருந்தால் “ஏன்டா மோசடியானதை வாங்கி விற்கிறாய்” என்று சட்டையைப் பிடியுங்கள். அப்பொழுதுதான் அவர்கள் மோசடியானவற்றை வாங்கி விற்கமாட்டார்கள்.

On line recharge செய்யும்போது வாடிக்கையாளர் மோசடி சேவையை கேட்டுக் கொண்டு செய்யுங்கள்.

BSNL தொழிளார்களே உங்களின் ஊதியமும் இப்படி பல கோடி பேர்களை மோசடி செய்து தரப்படும் பணம்தான் என்பதையும் நீங்களும் அம்மோசடியில் உடந்தையாளர்கள் என்பதையும் மறக்காதீர்கள்

Advertisements

ஆத்திச்சூடி பொருளுரை


ஆத்திச்சூடி பொருளுரை

Vernia WebTech

சமூகச் சிந்தனையாளர் பண்டிதர் க. அயோத்திதாசர் நூல்வரிசையில் மேலும் ஸ்ரீ அம்பிகையம்மன் அருளிய திருவாசகம் மற்றும் ஸ்ரீ அம்பிகையம்மன் வரலாறு என்னும் இரு நூல்களை மின்னூல்களாக வெளியிட்டுள்ளோம்.

தொடர்ந்து தங்களின் ஆதரவினை வேண்டுகிறோம்.

நன்றி!

இவன்,

பறையோசை பதிப்பகம்

Get it on Google Play

எமது புத்தகம் பயனுள்ளதாக இருந்தால் நண்பர்களுடன் பகிந்துகொள்ளுங்கள்.

சமூக வலைதளங்களில் எங்களைத் தொடருங்கள்.

   

தொடர்ந்து எங்களின் புதிய வெளியீடுகளைப் பற்றி உடனுக்குடன் அறிய விரும்பினால் எமது இணையதளத்திற்குச் சென்று எங்களின் மின்னஞ்சல் சேவையை புதுப்பித்துக் கொள்ளுங்கள்.

பண்டிதர் க. அயோத்திதாசரின் நூல்கள்


Vernia WebTech

பண்டிதர் க. அயோத்திதாசரின் நூல்கள்



Vernia WebTech

நாள்: 25-8-2018

அன்பான நண்பர்களே!

வணக்கம்!

அயோத்திதாசர் எழுதிய நான்கு நூல்களை மின்னூலாக வெளியிட்டுள்ளோம்.

  1. யதார்த்த பிராமண வேதாந்த விவரம்
  2. வேஷ பிராமண வேதாந்த விவரம்
  3. கபாலீசன் ஆராய்சி
  4. விபூதி ஆராய்சி


முதலிரண்டிலும் பிராமணர் என்பதன் உண்மைப் பொருள் என்ன என்றும், யார் உண்மையான பிராமணர்கள் என்றும் தனது ஆய்வை இலக்கியல்களின் சான்றுகளுடன் கூறுகிறார்.

அடுத்தில் சிவன் என்பதும் கபாலீசன் என்பும் புத்தபிரானையே குறிக்கும் என்றும், அதற்கடுத்ததில் விபூதி வந்த கதையையும் இலக்கியல்களின் சான்றுகளுடன் தனது ஆய்வை கூறுகிறார்.

விலை ரூ 30.00 மட்டுமே.

தொடர்ந்து தங்களின் ஆதரவினை வேண்டுகிறோம்.

நன்றி!

இவன்,

வெர்னியா டிஜிடல் சிஸ்டம்.

எமது புத்தகம் பயனுள்ளதாக இருந்தால் நண்பர்களுடன் பகிந்துகொள்ளுங்கள்.

சமூக வலைதளங்களில் எங்களைத் தொடருங்கள்.

  

  

கோழிச்சண்டை


கோழிச் சண்டை

எங்களை நீங்கள் ஏமாற்றக் கூடாது. சண்டை வலுவாகா இருக்க வேண்டும். இறக்கும் வரை நடைபெற வேண்டும்.

அப்படியானால் கூடுதல் கட்டணம் ஆகும். பரவாயில்லையா?

எவ்வளவு?

500 லிரா.

1000_மாகத் தருகிறோம். நாளை மாலை நடைபெற வேண்டும்.

சுற்றி பாதுகாவலர்களுடன் வேலியிடப்பட்ட அரங்கத்தின் நடுவிவில், திரண்ட தோள்களும் அகன்ற மார்புகளும் உடைய திரேசியனும் கோரு இனத்தினனும் இடைகச்சை மட்டும் கட்டிக் கொண்டு உடம்பு முழுவதும் எண்ணெய் தேய்த்து பளபள என்று நின்றிருந்தனர்.

ஆண்டையின் மனதில் எவரொருவரை இழந்தாலும் அடுத்தடுத்த நல்ல சண்டைகளுக்கு தன்னிடமுள்ள இருவரில் ஒருவரை இழக்கப் போகிறோம் என்ற கவலை .

காட்சியினை காண வந்த ரோமானிய கோமான்களின் இளங்காதலர்களுக்கு “சபாஷ் சரியான ஜோடிகள்” என்ற அளவிலா மகிழ்ச்சி.

“நண்பனே, உன்னை நான் கொல்லாவிட்டால் நான் உயிருடன் இருக்க முடியாது, மன்னித்துவிடு தோழா” திரேசியனும் கோரு இனத்தினனும் தங்கள் மனதிற்குள்ளே பேசிக்கொண்டார்கள். இருவர் கைகளிலும் கூர்தீட்டப்பட்ட குத்துவாள்கள்.

அடிமைகளின் அற்புதமான சண்டை அரங்கம் ஆர்பரித்தது.

ஒருகனம்… ஒரே ஒரு வினாடி அந்த இருவரும் பேசிக்கொண்டார்கள். “கோமான்களின் கேளிக்கைக்காக நாம் இருவரும் சாகவேண்டுமா” திசை திரும்பியது விதி.

அந்த முகம் தெரியாத திரேசியனின் எழுச்சியால் அரண்டோடியது அரங்கம். ஐரோப்பியா முழுவதும் எழுச்சி கொண்டது. ஆராயிரம் அடிமைகள் சிலுவையில் அறையப்பட்டார்கள்.

அடுத்த சில நூற்றாண்டுகளில் தாங்கள் விரும்பியோ விரும்பாலோ அவர்களின் மூளை அடிமை என்ற சொல்லையே மறந்தது.

ஈராயிரம் ஆண்டுகளுக்குப் பின்னும் சாதி அடிமைகளாக தொடரும் நம் சமூகம்…

நம்ம சனநாயக அறிவு ஜீவிகளின் போதாமை…

என்ன செய்வது தோழரே! மதம் மக்களிடம் இருக்கிறதே!

ஆம்! இருபத்தொன்றாம் நூற்றாண்டின் கற்கால மனிதர்கள் நாம்.

#மநு_தர்மம் #சாதி


#மநு_தர்மம் #சாதி

1.21. அந்தப் பிரம்மாவானவர் முன் சிருஷ்டிக்கப் பட்ட மானுடர் முதலிய சகலசாதிகளுக்கும் வேதத்தில் நின்றும் இந்த அடையாள முள்ளவன் மனிதனென்றும் இந்த அடையாள முள்ளது பசுவென்றும் இந்த அடையாள முள்ளது அசுவமென்றும் இவ்விதமாகப் பெயர்களையும் அந்தந்தச் சாதிகளின் தொழில்களையும் சிருஷ்டித்தார்.

1.88 பிராமணனுக்கு ஓதுவித்தல் ஓதல் எக்கியஞ் செய்தல் எக்கியஞ் செய்வித்தல் தானங் கொடுத்தல் தானம் வாங்குதல் ஆகி இவ்வாறு தொழிலையும் ஏற்படுத்தினார்.

1.89. க்ஷத்திரியனுக்கு பிரசைகளைத் தருமமாகக் காத்தல் தனங் கொடுத்தல் வேதமோதுதல் பாட்டு கூத்து ஸத்திரி முதலிய விஷயங்களில் மநஞ் செல்லாமை இவை நான்கையும் ஏற்படுத்தினார். எச்கியஞ் செய்தல் முதலான தருமகாரியங்களும் அவனுக்குண்டு.
1.90. வைசியனுக்கு பசுவைக் காப்பாற்றுதல் தானங் கொடுத்தல் ‘வேதமோதுதல் சலத்திலும் பூமியிலு முண்டான இரத்தினம் நெல்லு முதலியவைகளின் வியாபாரஞ் செய்தல் வட்டி வாங்குதல் பயிரிடுதல் இவ்வாறையும் ஏற்படுத்தினார்.

1.91 சூத்திரனுக்கு இந்த மூன்று வருணத்தாருக்கும் பொறாமையின்றி பணி செய்வதை முக்கியமான தருமமா ஏற்படுத்தினார். இதனால் அவனுக்கு தான முதலியவையும் உண்டென்று தோன்றுகிறது.

தொழிலின் அடிப்படையில் சாதிப்பிரிவு உண்டாகியது என்பது வரலாற்று மோசடி.

எந்த ஒரு மனிதனும் இழி தொழிலையும் அருவருப்பானத் தொழிலையும் மனம் விரும்பி ஏற்றுக்கொள்ள மாட்டான். ஏற்றுக் கொண்டிருக்கவும் முடியாது.

அதுபோல் ஈராயிரம் ஆண்டுகளுக்கு முன்பு பொருளாதாரக் காரணங்கொண்டும் ஏற்றிருக்கொள்ள வேண்டிய நெருக்கடியிம் இருந்திருக்க முடியாது.

சாதிப்பிரிவும் சாதிக்கானத் தொழிலும் ஆயுதபலத்தால் மட்டுமே உருவாக்கப் பட்டிருக்கும்.

புரட்சிகர கம்யூனிஸ்களும் தொழிலின் அடிப்படையில் சாதி உருவானது என்று சொல்வது ஹைலட்.

மநு தர்ம சாஸ்திரம் _ மின்னூல்


Vernia WebTech

மநு தர்ம சாஸ்திரம்

நாள்: 09.02.2018

அன்பான நண்பரே!

வணக்கம்!

தரவிறக்கம் செய்துகொள்ளும் முறையையும் அதற்கான விலையில்லா செயலியினை தரவிறக்கம் செய்துகொள்ளும் வழிமுறைகளையும் எமது புத்தக விற்பனை பக்கத்தில் விரிவாக தந்துள்ளோம்.

விலை ரூ 50.00 மட்டுமே.

தொடர்ந்து தங்களின் ஆதரவினை வேண்டுகிறோம்.

நன்றி!

இவன்,

வெர்னியா டிஜிடல் சிஸ்டம்.


Get it on Google Play

எமது புத்தகம் பயனுள்ளதாக இருந்தால் நண்பர்களுடன் பகிந்துகொள்ளுங்கள்.

சமூக வலைதளங்களில் எங்களைத் தொடருங்கள்.

     

முத்தலாக் சட்ட வரைவு – காலத்தின் கட்டாயம்


எனது கருத்து:

  1. முதல் விதி எந்த வடிவிலும் முத்தலாக் என்றுச் சொல்லி மணமுறிவு செய்வது செல்படியற்றதும் சட்டத்திற்கு புறம்பானதும் என்கிறது.
    சட்டத்துக்குப் புறம்பானது என்னும் போது அந்த சங்கதி நீதிமன்றத்தின் மூலம் தீர்க்கப்பட வேண்டும் என்பது பொருளாகும்.
    இது மிகச் சரியானதே. ஒரு சங்கதி நீதி மன்றத்திற்கு வரவேண்டும் என்றால் தனிநபரால் அல்லது ஒருகுழுவால் நீதி வழங்கப்படுவதை இரத்து செய்யத்தானே வேண்டும்!
  2. இரண்டாவது விதி அவ்வாறு நீதிமன்றத்திற்கு வெளியில் மணமுறிவு சொல்கிராறோ அவருக்கான மூன்றாண்டுகள் வரை தண்டனை என்று சொல்கிறது.
    ஒன்றை குற்றம் என்றுச் சொன்னபின் அதற்கான தண்டனை என்ன என்பதையும் சொன்னால்தான் அது சட்டம். அதனால் இதுவும் சரியானதே. பிடியாணையின்றி கைது செய்யவும் பிணையில் வரமுடியாத வழக்காவும் இது இருக்கும்.
  3. இது கைது செய்யக்கூடிய வழிமுறைக்கான சட்டம். இதுவன்றி காவல்துறையினர் கைது செய்து வழக்குப் பதிய முடியாது. இதுவும் சரியானதே. பிடியாணையின்றி என்பதை கீழே பாரப்பொம்.
  4. அடுத்த இரண்டு விதிகளும் ஜீவனாம்சம் மற்றும் குழந்தைகளை பெண் தனது பெறுப்பில் வைத்துக்கொள்ளும் உரிமை பற்றியது.
    அதிகமாக தவறு என்று பேசப்பட்டவைகள் 2 மற்றும் 3ல் உள்ள பிரச்சனைகள்.

ஒரு பெண் தனது கணவன் மீது பொய்யான குற்றச்சாட்டை கூறி அவனை பழிவாங்க இச்சட்டம் பயன்படும் என்கின்றனர்.

ஒருவரை கைது செய்து வழக்கு பதிவு செய்ய வேண்டும் என்றால் அந்த வழக்குக்கு அல்லது அந்த புகாருக்கு போதுமான ஆதாரம் இருக்கிறதா என்று காவல் ஆணையாளர் அறிந்து முதல் தகவல் அறிக்கையில் பதிவு செய்த பிறகே கைது செய்து நீதிமன்றத்தில் ஒப்படைப்பார். ஒரு வேளை அவரும் ஏதோ ஒரு வகையில் அப்பொண்ணுக்கு சாதகமாக கைது செய்கிறார் என்று வைத்துக்கொள்வோம். முதல் தகவல் அறிக்கையில் போதுமான ஆதாரம் இருக்கிறதா என்று சரிபாரத்தே நீதிபதி நீதிமன்றக் காவலுக்கு (சிறைக்கு) அனுப்புவார். அதன் பிறகு வழக்கு விசாரணை குற்றம் உறுதி செய்யப்பட்டால்தான் தண்டனை. குற்றம் உறுதி செய்யப்பட்டால் தண்டனை வழங்குவதுதானே முறை. அதனால் நீதிமன்றத்திற்கு வெளியில் மணமுறிவு எவர் சொல்கிராறோ அவருக்கான தண்டனை என்ன என்பதை சட்டம் சொல்வது எப்படித் தவறாகும்?

அடுத்ததாக பிடியாணை.– பொருளாதாரக் குற்றங்கள் தவிர்த்து பிற அணைத்துக் குற்றங்களுக்கும் பிடியாணைப் பெற வேண்டும் என்று சட்டம் இல்லை. அதனால் இது முஸ்லீம் ஆண்களை பழிவாங்க வேண்டும் என்பதற்காக வகுப்பட்ட விதிமுறை என்பது வெற்றுக் கூச்சல்.

அடுத்ததாக பிணை கிடையாது. —– பிணை கிடையாது என்று குறிப்பிடாது உள்ள சட்டப் பிரிவுகளில் கைது செய்தால் விசாரணைக்குப் பிறகு காவல் துறையினரே குற்றவாளியின் சொந்த ஜாமினில் பிணை வழங்கி வெளியில் விடலாம். அல்லது மெஜிஸ்ரேட் முன் நிறுத்தும்போது அவர் குற்றவாளியின் சொந்த ஜாமினில் பிணை வழங்கிவிடுவார். பிணை கிடையாது என்ற சட்டப் பிரிவுகளில் கைது செய்தால் நீதிமன்ற காவலில் வைத்துப் பிறகு மெஜிஸ்டரேட் விசாரணக்குப் பிறகு பிணை வழங்கலாம். அது மெஜிஸ்டரேடின் விருப்பம். கீழ் நீதிமன்றத்தில் கொடுக்காவிட்டால் மேல் நீதி மன்றங்களில் முயற்ச்சி செய்து பெறலாம். 90 நாட்களுக்குக்குள் குற்றப் பத்திரிக்கை காவல் துறையினரால் சமர்பிக்கப்படவில்லை என்றால் குற்றம் சுமத்தப்பட்டவர் 90 நாட்களுக்குப் பிறகு எளிதாக பிணை வாங்கிவிடலாம். வெளியில் விட்டால் சட்ட ஒழுங்குக்கு ஆபத்து என்றோ அல்லது குற்றம் சுமத்தப்பட்டவர் வெளிநாடுகளுக்கு தப்பிவிடுவார் என்ற காரணங்கள் இருப்பின் பிணை வழங்காது வழக்கு நடக்கும். இந்த விலக்குத் தவிர பிற வழங்குகளில் பொதுவில் கீழமை நீதிமன்றங்கள் அல்லது மேல் நீதிமன்றங்கள் பிணை வழங்கிவிடும். அதனால் பிணை கிடையாது என்ற இந்த வழக்குகில் மூன்றாண்டுகள் வரை சிறையிலிருப்பார் என்று கருதுவது தவறு.

அடுத்து ஜீவனாம்சம். —– கைது செய்து சிறையில் அடைத்துவிட்டால் எப்படி ஜீவனாம்சம் கொடுப்பார் என்று சிறுபிள்ளைத் தனமாகப் பேசுகின்றனர். ஒருவர் சிறையிலிருந்தாலும் அவரது வருமான மூலத்திலிருந்து கொடுக்க வேண்டும். அல்லது சொத்திலிருந்து கொடுக்க வேண்டும். இந்த ஜீவனாம்சம் குற்றம் நிருபிக்கப்பட்டு தண்டிக்கப்படும்போது மட்டுமே நிரந்தரமாகும். அதுவரை குற்றம் சுமத்தப்பட்டவர் வருமானத்தின் மூலத்திலிருந்து இடைக்கால நிவாரணமாக ஏதேனும் மெஜிஸ்டரேட் அவர்களால் தீர்மானிக்கப்பட்டு வழங்க உத்தரவிடலாம்.

மேலும் நாம் சமூக நிலைமையையும் பார்க்க வேண்டும். இஸ்லாமிய ஜமாத்துகள் பெரும்பாலும் ஆண்களுக்கு பலனளிப்பதாகவே செயல்பட்டு வருவது வெளிப்படையான ஒன்றே. ஏறக்குறைய முப்பதாண்டுகாளாக இவ்வாறு பாதிக்கப்படும் பெண்களுக்காக புதுகோட்டையைச் சேர்ந்த திருமதி சரிபா அவர்கள் “ஸ்டெப்ஸ்” என்ற ஒரு அமைப்பை உருவாக்கி போராடிக்கொண்டுதான் இருக்கிறார். அவருக்குக் கிடைத்த பலன் அருவருக்கத்தக்க அடைமொழிகள்தான். நீதிபதிகள் ஜமாத்தின் ஆண்களாகவே இருக்கும்போது அவர்களுக்கு உரிமைகள் கிடைக்கும் என்பது வெற்றுக் கனவு. இப்பிரச்சனையை நீதிமன்றங்களின் வழியாக தீர்க்கப்படும்போதுதான் ஓரளவாவாது இஸ்லாமியப் பெண்களுக்கு உரிமைகள் உறுதியாகும். ஆம் ஓரளவுதான். நீதிமன்றங்களுக்கு அல்வா கொடுப்பது ஒன்றும் பெரியகாரியமில்லைதானே.

முத்தலாக் சட்ட வரைவு சரியானதே. அதன் நகலையும் நகலை தமிழில் மொழிபெயர்த்தும் கீழே கோப்புகளாக இணைத்துள்ளேன். தரவிறக்கம் செய்து கொள்ளலாம்.